स्पेस समाचार 
एजेन्सी । अमेरिकाको हवाई टापुको माउई जङ्गलमा लागेको डढेलोमा मृत्यु हुनेको संख्या ९३ पुगेको छ ।
आगो बस्तीसम्म फैलिँदा कयौँ मानिस घाईते भएका छन् । विपत्तिको चेतावनी दिने ‘इमर्जेन्सी साइरन’ नबज्दा जनधनको व्यापक क्षति भन्दै सर्वसाधारण क्रुद्ध भएका छन् ।
डढेलोले हवाईका ग्रामीण क्षेत्रमा व्यापक क्षति भएको छ भने भवनहरू ध्वस्त भएका छन्, अस्पतालका भवन पनि भत्किएका छन् ।
अधिकारीहरूले दुई हजार दुई सयभन्दा बढी भौतिक संरचना नष्ट भएको तथा पाँच अर्ब ५० करोडभन्दा बढीको धनमाल क्षती भएको जनाइएको छ ।
