![](https://i0.wp.com/spacesamachar.com/wp-content/uploads/2023/08/pakistan-accident-.webp?fit=1083%2C593)
एजेन्सी । पाकिस्तानमा यात्रुबाहक बस र डिजेल बोकेको भ्यान ठोक्किंदा १६ जनाको मृत्यु भएको छ ।
कराँचीबाट ४० जना यात्रु लिएर इश्लामावादतर्फ गईरहेको बस आइतबार बिहान फैजावादमा डिजेलका ड्रम बोकेको भ्यानसँग ठोक्किएर दुर्घटना भएको हो ।
डिजेल बोकेको भ्यानसँग ठोक्किएपछि बसमा आगो लागेको र आगोमा परी अधिकांश यात्रुको निधन भएको पाकिस्तानी टेलिभिजन जियो न्युजले जनाएको छ । घटनामा कम्तिमा १५ जना घाइते भएको र उनीहरुलाई अस्पताल लगिएको स्थानीय प्रहरीलाई उद्धृत गर्दै पाकिस्तानी संचारमाध्यमहरुले जनाएका छन् ।
स्थाीयहरुले आगो लागिरहेको बसका झ्याल फुटाएर यात्रुहरुलाई बाहिर निकालेका थिए । घटनामा अन्य कति घाइने भएका छन् भन्ने स्पष्ट भईसकेको छैन ।