स्पेस समाचार 
काठमाडौं–सत्तारुढ प्रमुख घटक नेपाली काँग्रेसका प्रमुख सचेतक रमेश लेखकले संक्रमणकालिन न्याय सम्बन्धि विधेयक एक हप्ता भित्र टुंगोमा पु¥याउन कानून, न्याय तथा मानव अधिकार समितिलाई आग्रह गरेका छन् ।
कानून, न्याय तथा मानव अधिकार समितिको शुक्रवारको बैठकमा उनले पीडित, नागरिक समाज र सञ्चार माध्यमको दवाबलाई समेत ख्याल गरेर सो विधेयक एक पटक छलफल गरेर आगामी फागुन १९ गते भित्र टुंगो लगाई सक्नुपर्ने प्रस्ताव गरेका हुन् । प्रमुख सचेतक लेखकले सो विधेयकमा १/२ विषय मात्रै सहमति हुन बाँकि रहेकाले एक पटक बैठकमा छलफल गरी टुंग्याउने प्रयास गर्ने र नभए त्यसलाई संसदको पूर्ण हाउसले टुंगो लगाउने गरी संसदमा पठाउन ढिलाई गर्न नहुने धारणा राखे ।
प्रमुख सचेतक लेखकले पीडितको पीडालाई सम्बोधन गर्न पनि सो विधेयक संसदीय समितिले टुंगोमा पु¥याउन ढिलाई गर्न नहुने जिकीर गरेका छन् ।
