स्पेस समाचार 
काठमाडौं–नेपाली कांग्रेसका नेता कृष्णप्रसाद सिटौलाले सरकारले कानुनको कपटपूर्ण प्रयोग गरेर जनताको आवाज थुन्ने काम गरेको आरोप लगाएका छन् ।
सोमवार काठमाडौंमा गणेशमान सिंह तथा शहीद स्मृति शान्ति प्रतिष्ठानले आयोजना गरेको गणतन्त्र दिवस संविधान कार्यान्वयनस् दलको उदासीनताका वा सरकारको रु विषयक गोष्ठीलाई सम्बोधन गर्दै नेता सिटौलाले उक्त कुरा बताएका हुन् । उनले कान्तिपुर मिडिया ग्रुपका अध्यक्ष कैलाश सिरोहियालाई दुराशय ढङ्गले पक्राउ गरिएको बताए । उनले अदालतलाई दोष दिएर उम्किने ठाउँ नरहेको बताए । उनले सरकार एक्टिभ नभई अदालतले पक्राउ गर्नु भनेर आदेश नदिने जिकिर गरे ।
अदालतको प्रक्रियाबाट पक्राउ पुर्जी आयो, अदालतले छोडिहाल्ला भन्ने प्रधानमन्त्री पुष्पकमल दाहालको भनाइ रहेको भन्दै हल्का जवाफ नदिन प्रधानमन्त्रीलाई आग्रह गरे । उनले संसद् सामान्य कुरालाई लिएर अवरुद्ध भइरहेको पनि बताए । उनले विगतका घटनाक्रमहरू नियालेर उपप्रधान एवं गृहमन्त्रीले आफैँ आरोप पुष्टि गर्नका लागि संसदीय छानबिन समिति बनाउन मार्ग प्रशस्त गर्नुपर्नेमा बनाउँदै अठोट लिएर हिँडिरहनेले आरोप प्रमाणित हुने बताए । उनले नेपाली काँग्रेस व्यक्तिगत रूपमा कुनै पूर्वाग्रह राखेर अघि नबढ्ने पनि दाबी गरे ।
उनले भने, ‘एउटा सामान्य कुरालाई लिएर संसद् अवरुद्ध भएको छ । म सामान्य कुरा भन्दछु । गृहमन्त्रीमाथि आरोप लाग्यो, सारा प्रेस जगतले लेख्यो । संसद्मा प्रतिपक्षले कुरा उठायो । संसदीय छानबिन समिति गठन गरौँ है भनेर कुरा त राखेको हो प्रतिपक्षले बढी केही कुरा राखेको होइन । विगतमा पनि यस्तो हुने गरेकै हो । विगतका मन्त्रीहरूका बारेमा पनि जब प्रश्न उठ्यो । संसदीय छानबिन समिति बन्ने गरेकै हो । त्यस्तै गरौँ भनेको सम्म त हो नि । यो पनि उठ्ने थिएन होला, सायद उहाँ गृहमन्त्री नबनेर अर्कै मन्त्री बन्नुभएको भए । प्रहरीले उहाँमाथि आफैँ अनुसन्धान गर्दथ्यो होला । यो जुन सहकारीको रकम अपचलनको विषय उठ्यो, अपचलन, ठगी भएको कुरा । अनुसन्धान गर्ने निकाय प्रहरी नै हुन्छ, प्रहरी गृहमन्त्रीकै मातहतमा हुन्छ । प्रहरी प्रभावित स्वतः भइहाल्यो उनले भने, महान्यायाधिवक्ताले उहाँको दोष देखिँदैन भनेर पत्र दिइसक्नु भयो । सेना आइजिपीले उहाँको कुनै दोष छैन भनिसक्नु भयो भनेपछि प्रहरी सङ्गठन के गर्दै होला रु महान्यायाधिवक्ता कार्यालयले के गर्दै होला रु बुझिसक्यौँ नि त सबै कुरा । संसदीय छानबिन समिति बनाएर नीतिगत रूपले तथ्यमा प्रवेश गराएर नीतिगत रूपले सम्बोधन गर्दा जे रिपोर्ट आउला, त्यो रिपोर्ट त उहाँले मान्नुपर्ने हो । नेपाली काँग्रेसले व्यक्तिगत रूपमा कुनै पूर्वाग्रह राखेर अघि बढ्दैन ।’
नेता सिटौलाले संविधानमा उल्लेख गरिएका नागरिक हकहरू कार्यान्वयन भए वा भएनन् भन्नेबारेमा सबैले समीक्षा गर्न आवश्यक भएको बताए । उनले संविधानको कार्यान्वयन जनताको हितमा कति भयो रु भनेर समीक्षा गर्न जरुरी रहेको बताए । उनले राजनीतिक दलहरूले सत्ता टिकाउन मेहनत र गिराउनका लागि मात्रै षड्यन्त्र गरिरहनु नहुने बताए ।
