स्पेस समाचार एजेन्सी । कन्नड फिल्म ‘केजीएफ’को पहिलो संस्करणको सफलता पछि दर्शकहरु यसको दोस्रो संस्करणको ब्यग्र प्रतिक्षामा छन् । अब यो प्रतिक्षा चाँडै समाप्त हुँदैछ किनकी फिल्मको टिजर रिलिज भइसकेको छ ।
पछिल्लो पटक जस्तै कन्नड सुपरस्टार यशको यो फिल्मको हिन्दी राइट फरहान अख्तर र रितेश सिधवानीको प्रोडक्सन हाउस एक्सेल इन्टरटेनमेन्टले किनेको छ । जसका लागि उनीहरुले ९० करोड बढी रुपैंयाँ तिरेका छन् ।
फिल्ममा आबद्ध एक सदस्यका अनुसार यो फिल्मको पहिलो संस्करण बनाउदा निर्माण पक्षले यसको हिन्दी भर्सनमा रिलिजको बारेमा केही सोचेका थिएनन् । तर रिलिजको केही समय अघि नै यसको हिन्दी राइट एक्सेल इन्टरटेनमेन्टले किनिसकेको थियो ।
निर्माताले ‘केजीएफ’को तुलनामा ‘केजीएफ २’मा सात गुणा बढी लगानी गरेका कारण पनि एक्सेल इन्टरटेनमेन्टले सर्वाधिक महंगो मूल्यमा यसको अधिकार किन्नु परेको हो । सन् २०१८ मा रिलिज ‘केजीएफ’ले लगानी भन्दा ३५ भन्दा गुणा बढी कलेक्सन गरेको थियो ।
‘केजीएफ’ ८० करोड बजेटमा निर्माण भएको थियो । फिल्मले बक्सअफिसमा २ सय ५० करोड रुपैंयाँको कलेक्सन गरेको थियो । यो फिल्म सर्वाधिक कमाई गर्ने पहिलो कन्नड फिल्म बनेको थियो ।
