स्पेस समाचार 
काठमाडौं । राष्ट्रियसभाको उपाध्यक्षमा उर्मिला अर्याल निर्विरोध निर्वाचित भएकी छन् ।
राष्ट्रिय सभा उपाध्यक्षमा नेकपा माओवादी केन्द्रबाट प्रतिनिधित्व गर्ने अर्यालको मात्रै उम्मेदवारी परेको थियो ।
सोमबारको बैठकमा राष्ट्रिय सभाका अध्यक्ष गणेशप्रसाद तिमल्सिनाले अन्यको उम्मेदवारी नपरेकाले अर्याल निर्विरोध निर्वाचित भएको जानकारी गराएका हुन् ।
२०७८ सालमै तत्कालिन शशीकला दाहालको ४ वर्षे कार्यकाल सर्किएसँगै सो पद रिक्त रहेको थियो ।
आइतबार सत्तारुढ गठबन्धनबाट अर्यालको नाम सिफारिस भएको थियो भने नेपाली कांग्रेसले कुनै पनि उम्मेद्वार उठाएको थिएन ।
