स्पेस समाचार 
काठमाडौं । शिवरात्रिको अवसरमा पशुपतिनाथ मन्दिरको दर्शन गर्न २० लाख भक्तजन आउने पशुपति क्षेत्र विकास कोषले जनाएको छ ।
शिवरात्रिको तयारीबारे बुधबार पत्रकार सम्मेलन गरी जानकारी गराउँदै कोषले शिवरात्रिमा करिब २० लाख धार्मिक पर्यटक आउने अनुमान गरेको हो ।
ट्राफिक सुरक्षा लगायतका अन्य व्यवस्थापन राज्यका अंगहरुसँग समन्वय गरेर गर्ने कोषले जनाएको छ । यस्तै पशुपति क्षेत्रमा कोषको बाहेक कुनैपनि लोगो, पर्चा, ब्यानर लैजान नपाउने भएको छ ।
कोषले स्वंयसेवक, सहयोग विभिन्न नाममा प्रचार गने गरेको भन्दै यो वर्षबाट त्यस्तो नहुने जनाएको छ ।
शिवरात्रिमा पशुपतिनाथमा राष्ट्रपति आफैं आउने कार्यक्रम रहेको भन्दै सुरक्षा व्यवस्था चुस्त रहेको कोषले दाबी गरेको छ ।
शिवरात्रिका लागि ८० लाख खर्च छुट्याएको भन्दै फागुन मसान्तसम्म खर्च विवरण सार्वजनिक गर्ने कोषले जनाएको छ । शिवरात्रिका लागि ८० लाख खर्च आन्तरिक कोषबाट हुने कोषले जानकारी दिएको छ ।
