स्पेस समाचार 
काठमाडौं । सहीद स्मारक ‘ए’ डिभिजन लिग अन्र्तगतको आजको अर्को खेलमा सातदोबाटो युथ क्लबले लगातार दोस्रो जित निकालेको छ ।
च्यासल मैदानमा बुधबार विभागीय टोली एपीएफ क्लबलाई १-० गोल अन्तरले हराउँदै सातदोबाटोले प्रतियोगितामा लगातार दोस्रो जित निकालेको हो । जितसँगै सातदोबाटोले २ खेलमा ६ अंक जोडेको छ ।
सातदोबाटोको जितमा विलियम एसिडुले निर्णायक गोल गरे । तर, सातदोबाटोले जित निकाल्न दोस्रो हाफसम्म कुर्नु परेको थियो ।
खेलको ५५ औं मिनेटमा विलियमले गोल गरेका थिए ।
सातदोबाटोले पहिलो खेलमा एनआरटीलाई हराएको थियो ।
एपीएफको यो पहिलो हार हो । पहिलो खेलमा एपीएफले थ्री स्टारलाई हराएको थियो ।
