स्पेस समाचार 
काठमाडौं । नेपालमा पछिल्लो २४ घण्टामा थप १ सय ६ जनामा कोरोना संक्रमण पुष्टि भएको छ ।
१ हजार ४८८ जनाको नमूना परीक्षण गर्दा १ सय ६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
५४१ जनाको पीसीआर र ९४७ जनाको एन्टीजेन विधिबाट नमूना परीक्षण गरिएको थियो ।
त्यस्तै, बिहीबार ७४ जना संक्रमणमुक्त भएका छन् । हाल ४३५ जना कोरोनाका सक्रिय संक्रमित रहेका छन् ।
२४ घण्टामा कोरोनाको संक्रमणबाट मृत्यु हुनेको संख्या शून्य रहेको मन्त्रालयले जनाएको छ ।
