स्पेस समाचार 
काठमाडौं। राष्ट्रिय प्रजातन्त्र पार्टीका अध्यक्ष राजेन्द्र लिंङ्देनसँग प्रतिनिधि सभामा पराजित भएका कांग्रेसका कृष्णप्रसाद सिटौलाले राष्ट्रिय सभाका लागि उम्मेद्वारी दर्ता गराएका छन् ।
कांग्रेस नेता सिटौलाले विराटनगर स्थित निर्वाचन आयोगको कार्यालयमा उनले मनोनयन दर्ता गराएका हुन् । सिटौलाको प्रस्तावकमा प्रदिप सुनुवार र समर्थक हिमाल कार्की रहेका छन् । गएको निर्वाचनमा राप्रपा अध्यक्ष लिङ्देनसँग झापा क्षेत्र नम्बर ३ मा पराजित भएका सिटौला राष्ट्रिय सभाको निर्वाचनमा पुन: उम्मेदवार भएका हुन् ।
२०४८ सालदेखि झापामा निरन्तर उम्मेदवार भएका सिटौला प्रतिनिधि सभाको निर्वाचनमा झापाबाट आठ पटक उम्मेदवार भएका छन् । उनी यस अघि पाँच पटक पराजित भएका थिए ।
कांग्रेसको महामन्त्री समेत भइसकेका सिटौला कांग्रेसको १३ औ महाधिवेशनमा सभापतिको उम्मेदवार भएका थिए । उनी शेरबहादुर देउवासँग पराजित भए । पार्टीको १४ औं महाधिवेशनमा भने देउवालाई सघाएका थिए। सोही कारणले देउवाले प्रतिनिधि सभामा पराजित भएका सिटौलालाई राष्ट्रिय सभाको उम्मेद्वार बनाएका थिए ।
