स्पेस समाचार 
काठमाडौं–संगीतकार योगेश वैधको निधन प्रति नेकपा एमालेका अध्यक्ष केपी शर्मा ओलीले दुख व्यक्त गरेका छन्। बैधले गाएको गीत ‘सपना भुलाइ सारा, आँशु पिएर जाऊ !
मन्दिरमा छ तिम्रै तस्बिर लिएर जाऊ !!’, ‘। ‘नेपाल मेरो उपहार भो’ साभार गर्दै उनको निधन प्रति दुख व्यक्त गरेका हुन् । वैधको विहिबार राती ७७ वर्षको उमेरमा निधन भएको थियो ।
वैधले कयौं कालजयी गीतका गायक तथा संगीतकार योगेश वैद्यको निधनको खबर सुनें भन्दै ओलीले यो वियोगान्त खबरले मलाई दुःखी बनायो। उहाँप्रति श्रद्धा र सम्मान, शोकाकुल परिवारजनमा समवेदना।
योगेशले ‘सपना भुलाई सारा आँसु लिएर जाउ’, ‘मेरो आँसुमा नहाँसे’, ‘नेपाल मेरो उपहार भो’ जस्ता लोकप्रिय गीत गाएका छन् । नेपाल भाषामा ‘जय नमो सिरि बुद्ध भगवान’ र ‘जिमि यःम्ह थौ जिथाय् वइ’ जस्ता लोकप्रिय सिर्जना पनि उनकै हुन् ।
किरण खरेलको शब्द र नातिकाजीको संगीतमा योगेशको पहिलो गीत ‘कति प्यासी छ जिन्दगी।।।’ ०२२ सालमा रेडियो नेपालमा रेकर्ड भएको छ ।
वनस्पतिशास्त्रमा एमएस्सी गरेपछि लोकसेवा परीक्षामा प्रथम भएका योगेश करिब ३३ वर्ष सरकारी सेवामा संलग्न रहे । योगेश ०६१ सालमा सहसचिव पदबाट अवकाश लिएका थिए । उनका दुई छोरी र एक छोरा छन् ।
