स्पेस समाचार 
काठमाडौं–नेपाली कांग्रेस संसदीय दलका प्रमुख सचेतक रमेश लेखकले गृहमन्त्री रवि लामिछानेमाथि प्रधानमन्त्री पुष्पकमल दाहाल प्रचण्डले छानविन गर्नेमा आशंका व्यक्त गरेका छन् । उनले प्राप्त प्रमाण हुँदा हुँदै पनि प्रधानमन्त्री प्रचण्डले त्यसको बचाउ गरेको भन्दै आपत्ती जनाए ।
उनले सदनभित्रैबाट छानविन समिति गठन गर्नु पर्ने बताए । उनले हाउसको कामलाई अवरोध नगरेको प्रष्ट पारे । उनले गम्भीरता पूर्वक कुरा उठाउँदा उठाउँदै पनि हाउस अवरुद्ध भएको अवस्थामा सरकारले नै हाउस अवरुद्ध गरेको मानिने बताए । उनले संसदीय समिति गठन गरेर निश्पक्ष छानविन गरिने दाबी गरे ।
उनले भने, ‘विवादास्पद मन्त्री भएपछि राजिनामा दिने चलन छ । खै त गृहमन्त्रीले राजिनामा दिएको खै ? प्रधानमन्त्रीलाई गलत सूचना दिइदै छ । उहाँलाई जानकारी नै छैन ।’
लेखकले प्रधानमन्त्रीलाई प्रश्न गरे, ‘प्रधानमन्त्री ज्यू पोखरा जादा तपाईंले पीडित भेटेको हो होइन ?’ पीडितले जाहेरी दिएका छन् । प्रधानमन्त्री अँध्यारोमा हुनुहुन्छ ।’
यस अघि प्रधानमन्त्री पुष्पकमल दाहाल प्रचण्डले सदनबाट जवाफ दिँदै रवि लामिछाने सहकारी प्रकरणमा दोषी नरहेको भन्दै बचाउ गरेका थिए।
