स्पेस समाचार 
काठमाडौं–अछामको मेल्लेख गाउँपालिकामा भएको ट्याक्टर दुर्घटनामा मृत्यु भएका पाँचै जनाको सनाखत भएको छ । सोमबार बिहान ९ बजे मेल्लेख गाउँपालिका वडा नं ७ , सुएडीमा ट्याक्टर दुर्घटनामा परेको थियो ।
सू.प.०१००२ त ४९७९ नं को ट्याक्टर दुर्घटना हुँदा अछाम ऋषि दह निवासी मेल्लेख गाउँपालिका- ७ का ५५ वर्षीय रंग धामी, ४५ वर्षीय प्रेम धामी, ३७ वर्षीय नरबहादुर धामी, १५ वर्षीय जनक धामी र २१ वर्षीय जनक धामी रहेको जिल्ला प्रहरी कार्यालय अछामले जनाएको छ ।
दुर्घटनामा परि तीन जना गम्भीर घाइते भएका छन् । घाइते नाम खुल्न नसकेका ३ जनालाई उपचारको लागि जिल्ला अछाम बयालपाटा अस्पतालमा लगिएको प्रहरीले जनाएको छ ।
