स्पेस समाचार 
काठमाण्डौ । काठमाण्डौ उपत्यकासहित पहाडी भेगमा आज पनि मौसम आंशिक बदली भएको छ । देशभर पश्चिमी वायुको आंशिक प्रभाव रहेकाले काठमाण्डौ उपत्यकासहित बाग्मती, कोशी र गण्डकी प्रदेशका पहाडी भागमा आंशिक बदली रहेको मौसम पूर्वानुमान महाशाखाले जनाएको छ । महाशाखाका अनुसार बाँकी भागमा आजको मौसम सफा रहनेछ । कोशी, बाग्मती र गण्डकी प्रदेशका पहाडी भेगका एक, दुई ठाउँमा हल्का वर्षा तथा उच्च पहाडी तथा हिमाली भागका केही ठाउँमा हल्का हिमपातको सम्भावना रहेको महाशाखाले जनाएको छ ।
