स्पेस समाचार 
काठमाण्डौ । सुनको भाउ आज एकैदिन दुई हजार रुपैयाँले बढेको छ । सुन आज दुई हजार रुपैयाँले बढेर तोलाको एक लाख ५४ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुनको भाउ तोलाको एक लाख ५२ हजार दुई सय रुपैयाँ रहेको थियो । सरकारले सुनमा लाग्ने आयातमा भन्सार महसूल घटाएसँगै घटेको सुनको भाउ हिजोदेखि फेरि बढ्न थालेको छ । त्यस्तै आज चाँदीको भाउमा भने घटबढ भएको छैन । आज चाँदी हिजोको जस्तै तोलाको एक हजार नौ सय २५ रुपैयाँमा कारोबार भइरहेको महासङ्घले जनाएको छ ।
