स्पेस समाचार 
काठमाडौं, १३ माघ । उपप्रधान तथा गृहमन्त्री रवि लामिछानेको नागरिकता विवाद सम्बन्धि मुद्दामा सुनुवाई सकिएको छ । कानुन व्यवसायीहरुको बहस सकिएपछि सर्वोच्च अदालतमा संवैधानिक इजलासका न्यायाधिशहरुको छलफल चलिरहेको बताइएको छ । लामिछानेको मुद्दामा दिने फैसलाबारे न्यायाधिशहरुबीच छलफल चलिरहेको सर्वोच्च स्रोतले जानकारी दिएको छ ।
सर्वोच्च स्रोतका अनुसार संवैधानिक इजलासले राष्ट्रिय स्वतन्त्र पार्टीका सभापति समेत रहेका रवि लामिछानेको उक्त मुद्दामा आजै फैसला सुनाउने सम्भावना छ।
शुक्रबार संवैधानिक इजलासले लामिछानेविरूद्ध परेको रिटमा अन्तिम सुनुवाइ गरेको हो । लामिछानेका तर्फबाट केही वकिलले बहस गरेका थिए भने रिट निवेदकका वकिलले जवाफी बहस गरेका थिए।
