स्पेस समाचार 
काठमाडौं । नेपालको एकदिवसीय अन्तराष्ट्रिय वरीयतामा सुधार भएको छ ।
अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरेको वरीयतामा नेपालले एक स्थान सुधार गरेको हो ।
नयाँ वरीयतामा नेपाल १६ औं स्थानमा उक्लिएको छ । यस अघि नेपाल १७ औं स्थानमा रहेको थियो ।
नेपाल भन्दा पछाडी नामिबिया,अमेरिका, युएई र पपुवा न्युगिनी रहेका छन् ।
भारत वरीयताको शीर्ष स्थानमा रहेको छ भने अष्ट्रेलिया दोस्रो, न्युजिल्यान्ड तेस्रो र इंग्ल्यान्ड चौथो स्थानमा रहेका छन् ।
