स्पेस समाचार 
काठमाडौं । नेकपा एकीकृत समाजवादीले सरकारमा सामेल हुनेबारे गृहकार्य गर्न कार्यदल बनाएको छ ।
आज बसेको सचिवालय बैठकमा अध्यक्ष माधवकुमार नेपालको संयोजकत्वमा ३ सदस्यीय कार्यदल बनाएको हो । जसमा उपाध्यक्ष प्रमेश हमाल र महासचिव धनश्याम भुसाल रहेका छन् ।
उक्त कार्यदलले पार्टीले पाउने मन्त्रालयबारे छलफल गर्ने, सरकारमा जाने मन्त्रीहरू छान्ने, नीति तथा कार्यक्रम बनाउने, केन्द्रदेखि प्रदेशसम्म मन्त्रालय बाँडफाँटलगायतबारे गृहकार्य गर्नेछ ।
सोमबार सरकारलाई विश्वासको मत दिएको एकीकृत समाजवादीले गृहसहितको ठूला मन्त्रालयको दाबी गरिरहेको छ ।
गठबन्धनमा आवद्ध अन्य दलले राष्ट्रपति, उपराष्ट्रपति र प्रधानमन्त्री लगायत अन्य संवैधानिक पदहरुमा भागबण्डा भएका कारण आफूहरुले पनि रोजेको मन्त्रालय पाउनुपर्ने एकीकृत समाजवादीको दाबी रहेको छ ।
