स्पेस समाचार 
काठमाडौं । सहिद स्मारक ‘ए’ डिभिजन लिग फुटबलको आजको खेलमा संकटा क्लबले न्युरोड टिम एनआरटीमाथि जित निकालेको छ ।
त्रिपुरेश्वरस्थित दशरथ रंगशालामा भएको खेलमा संकटाले एनआरटीलाई २-१ गोल अन्तरले हराएको हो ।
खेलको २२ औं मिनेटमा जुनियर एनकेनगुएले गोल गर्दै संकटालाई सुरुआती अग्रता दिलाएका थिए । खेलको ३७ औं मिनेटमा मनिष डाँगीले गोल गर्दै संकटालाई २-० को अग्रता दिलाए ।
खेलको ६२ औं मिनेटमा एनआरटीका निकोलस सेर्जी सङले गोल गरेपनि संकटा २(१ ले विजयी भयो ।
संकटाको यो तेस्रो जित हो । संकटाले ८ खेलमा १२ अंक जोडेको छ । एनआरटीले ८ खेलमा ६ अंक जोडेको छ ।
