स्पेस समाचार 
काठमाडौं । जग्गासम्बन्धी विवादका क्रममा झडप हुँदा रौतहटको गढीमाई नगरपालिकामा गोली लागेर एक जनाको मृत्यु भएको छ ।
गोली लागेर स्थानीय राजकुमार राय यादवको मृत्यु भएको प्रहरीले जनाएको छ ।
गोली लागेका उनलाई उपचारका लागि वीरगञ्ज पठाइएकामा बाटोमा नै मृत्यु भएको हो ।
गोली कसले चलायो भन्ने खुलेको छैन ।
गढीमाई नगरपालिकाले निर्माण गरिरहेको बाटोका विषयमा विवाद हुँदा १२ बोरको बन्दुक बाट गोली प्रहार भएको प्रहरीको भनाइ छ । गोली लागेर स्थानीय रामप्रताप यादव, कपिलदेव राय यादव र निरञ्जन यादव घाइते भएका छन् ।
प्रहरीले घटनामा संलग्न रहेको आशंकामा ५ जनालाई नियन्त्रणमा लिएको छ ।
