![](https://i0.wp.com/spacesamachar.com/wp-content/uploads/2023/07/57152D91-66CB-484F-A970-70866D5EF8F81690126485.jpeg?fit=1568%2C1045)
काठमाडौं । पाकिस्तान ‘ए’ एसीसी इमर्जिङ टिम्स एसिया कप क्रिकेट प्रतियोगिताको विजेता बनेको छ । भारत ‘ए’ लाई १ सय २८ रनले पराजित गर्दै पाकिस्तान ‘ए’ ले इमर्जिङ कपको उपाधि जितेको हो ।
टस हारेर पहिले ब्याटिङ गरेको पाकिस्तान ‘ए’ ले भारत ‘ए’ लाई ३५३ रनको लक्ष्य दिएको थियो । विशाल लक्ष्य पछ्याएको भारत ‘ए’ ४० ओभर मा २२४ रनमा समेटियो । भारतमाथि १२८ रनको जित निकाल्दै पाकिस्तानले उपाधि उचाल्दा भारत भने उपविजेतामा सीमित भयो । भारत ‘ए’ का लागि अविषेक शर्माले सर्वाधिक ६१ रन बनाए ।
पाकिस्तान ‘ए’ का सुफियान मुकिमले ३ विकेट लिए । पाकिस्तान ‘ए’ का लागि तैयब ताहिरले सर्वाधिक १०८ रन बनाए । भारत ‘ए’ का रियान पराग र राजवद्र्धन हङ्गरगेकारले समान २ विकेट लिए ।
इमर्जिङ एसिया कप पहिलो पटक २०१३ मा खेलिएको थियो । सूर्यकुमार यादवको कप्तानीमा भारतले फाइनलमा पाकिस्तान–एलाई पराजित गर्दै उपाधि जितेको थियो । सन् २०१७ र २०१८ मा श्रीलंका–एले पाकिस्तान–ए र भारत–एलाई हराएर लगातार २ पटक उपाधि जितेको थियो । पाकिस्तान–ए टोली सन् २०१९ मा च्याम्पियन बनेको थियो ।