स्पेस समाचार 
काठमाडौं । प्रहरीको केन्द्रीय अनुसन्धान ब्यूरो (सिआईबी) ले थप दुई वटा सुन गाल्ने उपकरण बरामद गरेको छ ।
६० किलो सुन तस्करी प्रकरणमा संलग्न गिरोहले काठमाडौंमा राखेको थप दुई वटा सुन गाल्ने उपकरण ब्यूरो बरामद गरेको हो ।
ब्यूरोकी निर्देशक एआईजी किरण बज्राचार्यका अनुसार उपत्यकाका विभिन्न ठाउँमा छापा मारेर सुन गाल्ने उपकरण बरामद भएको हो ।
यसअघि तस्कर समूहले प्रयोग गरेको ५ वटा सुन गाल्ने उपकरण बरामद भइसकेको थियो ।
हालसम्म यो प्रकरणमा पक्राउ पर्नेको संख्या २५ पुगिसकेको छ । प्रहरीले बुधबार गणेश पौडेल र दावा छिरिङका सहयोगी किशोर बस्नेतलाई पनि पक्राउ गरेको छ ।
