स्पेस समाचार 
काठमाडौं । यू-१९ एसीसी प्रिमियर कपमा इरानमाथि नेपालले २७४ रनको फराकिलो जित निकालेको छ ।
टस हारेर ब्याटिङको निम्तो पाएको नेपालले ४०.१ ओभरमा अलआउट हुँदै ३५३ रन बनाएको थियो । जवाफी ब्याटिङमा आएको इरान ७९ रनमा अलआउट भएपछि नेपालले फराकिलो जित सहित प्रतियोगितामा विजयी सुरुवात गरेको हो ।
नेपालका लागि कप्तान देव खनालले सतकीय पारी खेल्ने क्रममा ६० बलमा १०० रन बनाएर आउट भएका थिए । नेपालका लागि दीपक डुम्रेले ६९ र दीपक बोहराले ६५ रन बनाउँदै अर्धशतक पूरा गरेका थिए ।
नेपालले अर्को खेल आइतबार बहराइन विरुद्ध खेल्नेछ ।
