स्पेस समाचार 
काठमाडौं । विश्वकप क्रिकेटको फाइनलमा अस्ट्रेलियाविरुद्ध टस हारेर ब्याटिङ थालेको भारत दबाबमा आएको छ
अहमदाबादस्थित नरेन्द्र मोदी रंगशालामा राम्रो सुरुवात गरे पनि १०.२ ओभरमा ८६ रन बनाउँदा ३ विकेट गुमाएपछि भारत दबाबमा परेको हो । १५ ओभरको समाप्तिमा भारतको खातामा १०० रन मात्रै छ ।
भारतको ओपनरद्वय शुभमन गिल ४ तथा रोहित शर्मा ४७ रनमा आउट भए । यस्तै श्रेयश ऐयर पनि ४ रनमै आउट भए ।
अहिले भारतका विराट कोहली ३४ र केएल राहुल १० रन बनाएर इनिङ सम्हाल्ने प्रयास गरिरहेका छन् ।
टस जितेर पहिला फिल्डिङ गर्ने निर्णयलाई सही सावित गर्दै अस्ट्रेलियाली कप्तान प्याट कमिन्ससहित ग्लेन म्याक्सवेल र मिचेल स्टार्क समान १/१ विकेट लिएका छन् ।
