स्पेस समाचार 
काठमाडौं। विराटनगरको सातघुम्तीमा रहेको एक कबाडी गोदाममा आगलागी हुँदा दुई जनाको मृत्यु भएको छ। बुधबार दिउँसो भएको आगलागी परि दुई जनाको मृत्यु भएको छ भने,दुई जनासख्त घाइते भएका छन् ।
जिल्ला प्रहरी कार्यालय मोरङका प्रहरी नायब उपरिक्षक रन्जनकुमार दाहालका अनुसार मृत्यु हुनेमा विराटनगर-७ का ३० वर्षीय दीपक मण्डल र एकको पहिचान खुल्न सकेको छैन । मण्डलको उपचारका क्रममा र पहिचान नखुलेकाको घटनास्थलमै मृत्यु भएको हो ।
घाइतेमध्ये ५५ वर्षीया रिता सरदार र ६० वर्षीय सुशीला पासवानको स्थानीय अस्पतालमा उपचार भइरहेको छ ।आगलागी नियन्त्रणमा आइसकेको छ । आगजनीको कारण भने खुल्न बाँकी रहेको दाहालले बताए ।
