स्पेस समाचार 
काठमाडौं। नेकपा एमालेका अध्यक्ष केपी शर्मा ओलीले ऋण लिएर गरेको व्यवसाय संकटमा परेका बेला बैंकहरुले सहयोग गर्नुपर्नेमा जोड दिएका छन् ।
मध्यपहाडी लोकमार्ग यात्राका क्रममा आइतबार नुवाकोटमा आयोजित कार्यक्रममा अध्यक्ष ओलीले बैंकहरु निर्मम साहुजी र मिटरब्याजीजस्तो हुन नहुने बताएका हुन् । बैंकहरुले जुन शर्तमा व्यवसायीहरुलाई ऋण दिएको हो त्यो शर्त पालना गर्न आवश्यक रहेको उनको भनाइ छ । अध्यक्ष ओलीले बैंकहरुले कर्जाको ब्याजदरलाई एकल अंकमा ल्याउनुपर्नेमा जोड दिए ।
अध्यक्ष ओलीले वर्तमान सरकारले सर्वभौम सत्ताको सम्मान गर्न नसकेको टिप्पणी पनि गरे ।
