स्पेस समाचार 
काठमाडौं। कांग्रेस सभापति शेरबहादुर देउवाले आगामी पुस १६ देखि १९ सम्मका लागि तय महासमिति बैठक सार्न खोजेपछि इतरसमूह फेरि एक जुट हुने प्रयासमा छन् ।
संसदीय दलको चुनावपछि टाढिएका नेता शेखर कोइराला र महामन्त्री गगन थापालाई एकै ठाउँमा ल्याउने प्रयास भएको हो । जसका लागि शेखरल समूहको आज भेला हुँदै छ।
कोसी प्रदेशका विद्रोहबीच शेखर र गगनबीच भेट पनि गराइएको छ संस्थापनइतर समूहले आज दिउँसो एक बजे बत्तिसपुतलीस्थित अनुपम फुडल्याण्डमा भेला आयोजना गर्न लागेको हो ।
मंगलबार बस्ने भनिएको यो बैठक आजका लागि सारिएको थियो। समूहमा विवाद भएपछि महामन्त्री थापा पक्ष पनि सहभागी हुने गरी बैठक आजका लागि सारिएको हो ।
भेलामा समूहमा रहेका पदाधिकारी, केन्द्रीय सदस्य, सांसद, प्रदेश सभापति, महाधिवेशनमा प्रतिस्पर्धा गरेका उम्मेदवार लगायत सहभागी हुनेछन् ।
