स्पेस समाचार 
काठमाडौं। नेकपा माओवादी केन्द्रको विधान सम्मेलन फागुन पहिलो साता हुने भएको छ। बिहीबार बिहान बसेको माओवादी पदाधिकारी बैठकले विधान सम्मेलन आगामी फागुन पहिलो साता गर्ने निर्णय गरेको हो ।
माओवादी प्रवक्ता अग्नि सापकोटाले विहिबार बसेको बैठकले विधान मस्यौदा समिति गठन गरेको बताएका छन। विधान मस्यौदा समितिमा समितिमा उपाध्यक्ष पम्फा भुसाल, महासचिव देव गुरुङ, उपमहासचिवत्रय गिरिराजमणि पोखरेल, वर्षमान पुन र जनार्दन शर्मा तथा सचिवद्वय गणेश शाह र राम कार्की छन् ।
विधान सम्मेलनअघि केन्द्रीय कमिटी बैठक बस्नेछ र विधान मस्यौदा समितिले तयार पारेको मस्यौदालाई केन्द्रीय कमिटीले अनुमोदन गरेपछि विधान सम्मेलनमा प्रस्तुत गरिने माओवादी केन्द्रले जनाएको छ ।
