स्पेस समाचार 
काठमाडौं–राष्ट्रिय स्वतन्त्र पार्टी (रास्वपा) का सांसदहरू नेपाली क्रिकेट टोलीको समर्थन जनाउँदै नेपाली क्रिकेट टीमको जर्सी लगाएर संसद् भवन पुगेका छन् । प्रतिनिधि सभामा बजेटमाथिको छलफल चलिरहँदा रास्वपाका सांसदहरू भने नेपाली क्रिकेटको जर्सी लगाएर संसद् भवनमा फोटो समेत खिचाएका छन् ।
१० वर्षपछि टी–२० विश्वकप खेल्न लागेको नेपालको पहिलो खेल नेदरल्यण्डससँग छ । समूह ‘डी’को पहिलो खेल नेपाली समयअनुसार राति सवा ९ बजेबाट सुरु हुनेछ । तर नेपाली क्रिकेटर सन्दीप लामिछाने विश्वकपबाट वञ्चित हुँदै गर्दा भने रास्वपाका सांसदहरू मौन बसेका थिए ।
खेलकुद मन्त्री समेत रास्वपाकै भएको र परराष्ट्र मन्त्री समेतको पहल नभएको भन्दै संसदबाट राप्रपा संसदीय दलका प्रमुख सचेतक ज्ञानेन्द्र शाहीले खेलकुद मन्त्रालय र परराष्ट्र मन्त्रालयको आवश्यकतामाथि प्रश्न गरेका थिए ।
