स्पेस समाचार 
काठमाडौँ– प्रधानमन्त्री केपी शर्मा ओलीका विकास सल्लाहकार डा। युवराज खतिवडाको सल्लाहपछि नेपाल राष्ट्र बैङ्कले शुक्रवार सार्वजनिक गर्ने भनिएको मौद्रिक नीति रोकिएको छ ।
राष्ट्र बैङ्क व्यवस्थापन समितिले पारित गरिसकेपछि गभर्नर महाप्रसाद अधिकारीले बिहीबार प्रधानमन्त्री ओली र सल्लाहकार खतिवडालाई ब्रिफिङ गरेका थिए ।
शुक्रवार राष्ट्र बैङ्क सञ्चालक समितिको बैठक बसेर पारित गर्ने र दिउँसो सार्वजनिक गर्ने कार्यक्रम थियो । तर, नवनियुक्त विकास सल्लाहकार डा. खतिवडाले मौद्रिक नीतिमा केही संशोधन औँल्याएपछि सार्वजनिक कार्यक्रम सारिएको हो ।
प्रधानमन्त्री ओलीका विकास सल्लाहकार खतिवडा स्वयं पूर्व गर्भनर हुन् । उनी मौद्रिक नीतिका विज्ञसमेत हुन् । प्रधानमन्त्रीको उपस्थितिमा उनले गभर्नर अधिकारीलाई केही संशोधन गर्न आग्रह गरेका थिए । तर, आफूले मौद्रिक नीति रोक्न नभनेको उनले बताएका छन् । खतिवडा बिहीबार नै प्रधानमन्त्रीका विकास सल्लाहकार नियुक्त भएका थिए ।
