![](https://i0.wp.com/spacesamachar.com/wp-content/uploads/2023/09/pm-dahal-.webp?fit=1106%2C569)
काठमाडौं । नेकपा माओवादी केन्द्रका अध्यक्ष पुष्पकमल दाहालले आफू नेतृत्वको सरकारले सुशासनको पक्षमा काम गरेपछि सरकार ढालेको आरोप लगाएका छन् ।
बुधवार पार्टी केन्द्रिय कार्यालय पेरिस डाँडामा नरबहादुर कर्मचार्यको स्मृति सभामा उनले सामाजिक न्याय, देशभित्र र बाहिर रहेका नेपाली युवाहरुको पक्षमा काम गर्दा सरकार ढालेको दाबी गरे । उनले युवालाई सामाजिक सुरक्षामा आवद्ध गर्ने र उनीहरुका हक हितको पक्षमा केही महत्वपूर्ण निर्णय लिएसँगै सरकार ढालिएको तर्क गरे ।
विचौलियाहरुको पहलमा नै नयाँ गठबन्धन बनाइएको दाबी गर्दै उनले विचौलियकै पक्षमा सरकारले काम गर्ने बताएका छन् । उनले आफू विजयी भएर बेदाग निस्किएको भन्दै ओम्नी, गिरिबन्धु, नक्कली भूटानी शरणार्थी कुनैपनि भ्रष्टाचारका प्रकरणमा आफूहरु नमुछिएको दाबी पनि गरे ।
जनताले संविधानबाट प्राप्त गरेको उपलब्धि उल्ट्याउने खतरा रहेको भन्दै उनले संविधान मिच्नेको नेतृत्वमा गठबन्धन बनेको टिप्पणी पनि गरे ।