स्पेस समाचार 
काठमाडौं । मोरङको रंगेली–४ स्थित आमतोला–रन्जनी सडकखण्डमा ट्याक्टर दुर्घटना हुँदा एक जनाको मृत्यु भएको छ ।
दुर्घटनामा १९ जना घाइते भएका छन् ।
मृत्यु हुनेमा ग्रामथान गाउँपालिका–५ कि ६५ वर्षीया वैशाखी चौधरी रहेको प्रहरीले जनाएको छ ।
रन्जनीबाट रंगलीतर्फ आउँदै गरेको प्रदेश ००१ त ९५५३ नम्बरको ट्याक्टर भित्री सडकमा अनियन्त्रित भई पल्टिँदा दुर्घटना भएको हो ।
घाइतेहुनेहरू चार जनाको रंगेली अस्पतालमा र बाँकी उपचारका लागि विराटनगर पठाइएको प्रहरीले जनाएको छ ।
ट्याक्टरमा २० जना सवार रहेको प्रहरीको जनाएको छ ।
