स्पेस समाचार 
काठमाडौं । सहिद स्मारक ‘ए’ डिभिजन लिग फुटबलमा च्यासल मैदानमा भएको आजको अर्को खेलमा नवप्रवेशी क्लब चर्च ब्वाइज युनाईटेडले लिगमा विजयी सुरुआत गरेको छ ।
च्यासल मैदानमा शनिबार भएको डेब्यु खेलमा चर्चले नेपाल पुलिस क्लबलाई २-१ गोल अन्तरले हराएको हो ।
चर्चको जितमा आशिष चौधरी र फ्रान्कलिन क्विटेटलाले एक एक गोल गरे । पुलिसका रबि पासवानले एक गोल गरे ।
चर्च ‘बी’ डिभिजन लिगको विजेता बन्दै शीर्ष डिभिजनमा उक्लिएको हो ।
