स्पेस समाचार 
काठमाडौं–पशुपतिको जलहरी निर्माण भ्रष्टाचारका आरोपित एवं पशुपति क्षेत्र विकास कोषका निलम्बित सदस्य सचिव डा मिलनकुमार थापा तीन लाख धरौटीम रिहा भएका छन् । थापालाई विशेष अदालतले तीन लाख रुपैयाँ धरौटीमा रिहा गरेको हो ।
विशेष अदालतका सदस्यहरु डाक्टर खुसीप्रसाद थारु र रामबहादुर थापाको इजलासले डेढ किलो सुन हिनामिना गरेको आरोप लागेका तत्कालीन कोषाध्यक्षसमेत रहेका मिलन थापासँग ३ लाख रुपैयाँ धरौटी माग्ने आदेश दिएको हो ।
उनी पुसको २५ गते नै धरौटी बुझाएर रिहा भएको विशेष अदालतले जनाएको छ । अख्तियारले पशुपतिनाथ मन्दिरमा जलहरी राख्दा भ्रष्टाचार भएको भनी कोषका सदस्यसचिव थापासहित तत्कालीन सदस्य सचिव डा प्रदीप ढकाल र अरुण श्रेष्ठविरुद्ध १ करोड १७ लाख रुपैयाँ बिगो मागदाबी गरी विशेष अदालतमा मुद्दा चलाएको थियो ।
आयोगले जलहरी राख्ने क्रममा एक किलो ४९१ दशममलव ७१८ ग्राम सुन हिनामिना गरेको निष्कर्ष निकालेको थियो ।
