स्पेस समाचार 
काठमाडौं–उधोपति एवम् नेपाली कांग्रेसका सांसद विनोद चौधरीले आफ्नो भाई अरुण चौधरी पक्राउबारे कांग्रेस संसदीय समितिको ध्यानाकर्षण गराएका छन् । शुक्रबार बसेको कांग्रेस संसदीय समितिको बैठकमा सांसद चौधरीले सभापति शेर बहादुर देउवाको ध्यानाकर्षण गराएका हुन् ।
संसदीय दलको बैठकपछि कांग्रेस संसदीय दलका प्रमुख सचेतक रमेश लेखकले त्यसबारे दलको बैठकमा कुरा उठेको बताए । प्रमुख सचेतक लेखकले भने,‘उहाँले आफ्ना कुरा राख्नुभएको छ । पार्टीले कुनै आधिकारिक धारणा बनाएको छैन । नेता र सांसदले गम्भीरतापूर्वक सुनेका छौं । ‘,
चौधरीले बाँसबारी छाला जुत्ता कारखानाको निजीकरणदेखिका सबै प्रक्रियाहरूको बारेमा जानकारी गराउँदै आफूहरूमाथि योजनाबद्धरूपमा हमला गरेको विषयमा दलका नेता शेरबहादुर देउवाको ध्यानाकर्षण गराएका थिए ।
सिआइबीको टोलीले व्यवसायी अरुण चौधरीलाई बाँसबारी छाला उद्योगको सरकारी जग्गा हडपेको आरोपमा विहिबार पक्राउ गरेको थियो ।
