स्पेस समाचार 
काठमाडौं–नेपाली कांग्रेस संस्थापन इतरपक्षका नेता डा. शेखर कोइरालाले नेकपा माओवादी केन्द्र नेतृत्वको सरकारसँगको गठबन्धन तोडिएको घटनालाई सामान्य रुपमा हेर्न नहुने बताएका छन् । डा.कोइरालाले सामाजिक सञ्जाल फेसबुक मार्फत असन्तुष्टि जनाएका छन् ।
नेता कोइरालाले सामाजिक सञ्जाल फेसबुकमा मार्फत लेखेका छन,राजनीतिमा गठबन्धन वन्नु,तोडिनु र फेरि बन्नु सामान्य हो तर हिजोको घटना सामान्य होईन। कमजोर,अस्थिर र सत्ताको लागि जे पनि गर्न तयार पार्टीसँगको गठबन्धन आज नेपाली कांग्रेसलाई महङ्गो सावित भयो। यस घटनामा कतै हाम्रा व्यक्तिगत हठ पनि केही हदसम्म जिम्मेवार भए कि ? भविष्यको लागि सजग बनौं ।
माओवादीले सत्ता साझेदार दल नेपाली कांग्रेसलाई सरकारबाट हटाउँदै प्रमुख प्रतिपक्ष दल नेकपा एमाले,रास्वपा र जसपासँग मिलेर नयाँ सरकार गठन गरेका छन्
