स्पेस समाचार 
काठमाडौं–गृहमन्त्री रवि लामिछानेले सरुवा बढुवाका लागि सोर्स फोर्स लगाउन आउनेहरुका लागि ढोका बन्द हुने उद्घोष गरेका छन् । आइतबार प्रहरी प्रधान कार्यालयको निरीक्षणपछि देशभरका जिल्ला प्रहरी प्रमुख र प्रदेशका डीआईजीहरुलाई भिडियो कन्फेरेन्समार्फत निर्देशन सम्बोधन गर्दै लामिछानेले उक्त कुरा बताएका हुन् ।
उनले भीआईपी संस्कारको अन्त्य गर्ने समेत बताए । उनले भने– ‘मलाई पनि एउटा पिएसओ मात्र दिए पुग्छ, भीआईपी संस्कार अन्त्य गर्नुपर्छ ।’
त्यसैगरि गृहमन्त्री लामिछानेले प्रहरीमा सरुवा र बढुवा हुन ‘धाउनुपर्ने’ व्यवस्थाको अन्त्य गरिने समेत बताए । उनले भने– ‘मेरोमा सोर्स फोर्स लाउन आउनेका लागि ढोका बन्द हुन्छ ।’
उनले आइजिवीलाई आफ्नो अधिकार प्रयोग गर्न समेत निर्देशन दिएका छन ।
