स्पेस समाचार 
काठमाडौं– क्यानडाका लागि नवनियुक्त नेपाली राजदूत भरतराज पौडेलले पद तथा गोपनीयताको शपथ लिएका छन् ।
पौडेलले बुधबार राष्ट्रपति भवन शीतल निवासमा आयोजित एक समारोहमा राष्ट्रपति रामचन्द्र पौडेल समक्ष शपथ ग्रहण गरेका हुन् ।
उक्त समारोहमा नेपाल सरकारका उच्च पदस्थ अधिकारीहरूको समेत उपस्थिति थियो ।
यस अघि राजदूतमा नियुक्त हुनुअघि पौडेल परराष्ट्र सचिव थिए । उनले यसअघि पाकिस्तानका लागि नेपाली राजदूतको जिम्मेवारी निर्वाह गरिसकेका छन् ।
