स्पेस समाचार 
सिरहा–“युवाको सम्मान, नगरको पहिचान, फुटबल खेल हाम्रो अभियान” नाराका साथ आयोजित सहिद हेमनारायण गोल्ड कप अन्तर्राष्ट्रिय नकआउट फुटबल प्रतियोगिताको उपाधि सलहेश युवा क्लब सिरहाले हात परेको छ ।
सलहेश युवा क्लबले राजा रानी फुटबल क्लब, धनकुटालाई हराउँदै उपाधि हात पारेको हो । खेलमा सलहेशले राजा रानीमाथि २–१ को जित निकाल्दै विजयी बन्यो । विजेता बनेको सलहेशले उपाधिसहित नगद २ लाख ७१ हजार रुपैयाँ नगद पुरस्कार पाएको छ भने उपविजेता राजा रानीलाई १ लाख ३५ हजार रुपैयाँसहित ट्रफी, मेडल प्रदान गरिएको छ ।
यस्तै सलहेश युवा क्लबकाबाट फोडे फोफना फाइनल खेलको म्यान अफ द म्याच र सर्वाधिक गोलकर्ता बने भने राजा रानीका राजु नगरकोटी उत्कृष्ट गोलरक्षक चुनिए । यता सलहेशका कुलदिप कार्की सर्वोकृष्ट खेलाडी घोषित भए । प्रतियोगितामा नेपाल र भारतका गरी कुल १० टोलीको सहभागिता रहेको थियो ।
