स्पेस समाचार 
काठमाडौं– संवैधानिक परिषद्को बैठक प्रधानमन्त्री निवास बालुवाटारमा सुरु भएको छ । लामो समयदेखि बस्न नसकेको परिषद्को बैठक आइतबार बसेको हो ।
यसअघि चैत १२ गतेका लागि तय भएको बैठक स्थगित भएको थियो । बैठक बस्नुअघि प्रधानमन्त्री पुष्पकमल दाहाल प्रचण्डले शनिवार प्रमुख प्रतिपक्षी दल नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग छलफलसमेत गरेका थिए ।
प्रधानमन्त्रीको नेतृत्वमा हुने संवैधानिक परिषद्मा प्रमुख विपक्षी दलको नेता, प्रधानन्यायाधीश, सभामुख, राष्ट्रिय सभाका अध्यक्ष र उपसभामुख सदस्य रहने व्यवस्था छ ।
बैठकमा महालेखा परीक्षक नियुक्तिका लागि छलफल भइरहेको स्रोतले जनाएको छ ।
