स्पेस समाचार 
काठमाडौं–प्रमुख प्रतिपक्ष दल नेपाली कांग्रेसका सभापति शेरबहादुर देउवाले पार्टीलाई आगामी निर्वाचनमा बहुमत ल्याउने गरी काम गर्न पार्टीका नेता, कार्यकर्तालाई निर्देशन दिएका छन् ।
मंगलादेवी सिंह फाउन्डेसनले आइतबार काठमाडौंमा आयोजना गरेको कार्यक्रममा देउवाले काँग्रेसलाई आगामी निर्वाचनमा बहुमत ल्याउन सक्ने पार्टीको रूपमा स्थापित गर्नुपर्ने बताए । उनले समावेशी, समानुपातिक र महिला हक, अधिकारको दृष्टिले नेपालको संविधान विश्वकै संविधान मध्येको एक उत्कृष्ट दस्ताबेजको रूपमा रहेको दाबी पनि गरे ।
सभापति देउवाले नेपाली कांग्रेसले पनि संविधानअनुसार महिला लगायतका सबै समुदायको प्रतिनिधित्वलाई सुनिश्चित गराउने काम गरेको जिकिर गरे ।
