स्पेस समाचार 
काठमाडौं–प्रमुख प्रतिपक्षी दल नेपाली कांग्रेसले गृहमन्त्री रवि लामिछानेमाथि सरकारबाटै अनुसन्धान प्रभावित पार्ने काम भएको बताएको छ । प्रतिपक्षीको बेन्चमा पुगेसँगै सदनमा निरन्तर रूपमा सहकारी प्रकरणमा मुछिएको व्यक्तिलाई गृहमन्त्री बनाएको भन्दै कांग्रेसले सदन मार्फत सरकारको ध्यानाकर्षण गराइरहेको छ ।
सोही अनुसार मङ्गलवारको बैठकमा पनि कांग्रेस सांसदहरूले उठेर विरोध जनाएका थिए । कांग्रेस सांसद उठेर विरोध जनाएपछि सभामुख देवराज घिमिरेले कांग्रेस सांसद सांसद रामकृष्ण यादवलाई बोल्ने समय दिएका थिए । सदनमा बोल्दै उनले भने, ‘आरोप टुङ्ग्याउन सहयोग गर्नुहोस् । सत्य तथ्य बाहिर नल्याएमा यसले तपाईँलाई कहिल्यै छोड्ने छैन ।’
‘अनुसन्धान अलपत्र पर्यो । सरकारबाटै अनुसन्धान प्रभावित भएकाले विश्वासको सङ्कट उत्पन्न भएको छ । यो आरोपको निष्पक्ष छानबिन गरी सत्य, तथ्य बाहिर नल्याएमा यो आरोपले तपाईँलाई केही छोड्न छैन । जिन्दगीभर लखेट्ने छ । समिति बनाएर अनुसन्धान हुने कुरा तपाईँकै हितमा हुन्छ ,’ उनले भने ।’
त्यसै गरि श्रम मन्त्री डिपी अर्याल समेत सहकारी ठगी प्रकरणमा मुछिएकाले उनीमाथि समेत छानबिन गर्नु पर्नेमा कांग्रेसले जोड दिएको छ ।
