स्पेस समाचार 
काठमाडौं–अछाममा सोमबार बिहान भएको आगलागीमा परेर दुई बालबालिकाको मृत्यु भएको छ।
मेल्लेख गाउँपालिका–६ को षोडशामा स्थानीय दीपक बोहराको घरमा आगलागी भएको हो। आगलागीमा परी ८ वर्षीया भावना बोहरा र ६ वर्षीय गोपाल बोहराको ज्यान गएको जिल्ला प्रहरी कार्यालय, अछामका प्रहरी नायब उपरीक्षक सन्तोष पाठकले जानकारी दिए ।
प्रहरीका अनुसार भावना दीपककी छोरी हुन् भने गोपाल छिमेकी रमेश बोहराका छोरा हुन्।
सोमबार बिहान खरले छाएको छानामा आगो सल्किएको थियो। छानोसँगै बालबालिका जलेका हुन् । आगलागीको कारण खुल्न सकेको छैन। घटनाको बारेमा अनुसन्धान भइरहेको प्रहरीले जनाएको छ ।
