स्पेस समाचार 
काठमाडौं– नेकपा एमालेका वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिस्ट आन्दोलनको निरन्तरताको पर्यायको रूपमा बुझ्न आवश्यक रहेको बताएका छन् ।
बिहीबार ललितपुरमा मनमोहन स्मृति प्रतिष्ठानको आयोजनामा मनमोहन अधिकारीको २५ औँ स्मृति दिवसको अवसरमा आयोजित कार्यक्रमलाई सम्बोधन गर्दै उनले यस्तो बताएका हुन् । उनले स्व। नेता अधिकारी अनेक उतार चढावहरू भए पनि कहिले पनि खण्डित नभएको बताए । उनले शासन सत्तामा रहँदा मात्रै नभई स्व। नेता अधिकारी प्रतिकुल अवस्थामा समेत स्थिर रहनुभएको बताए । उनले कम्युनिस्ट आन्दोलन भित्र देखा पर्ने कुनै पनि अतिवादमा स्व। अधिकारी नरहनु भएको बताए । उनले स्वभाव र विचारमा नरम देखिए पनि देब्रे वा दाहिने विचार र प्रवृत्तिको विरोधमा रहनुभएको बताए । उनले अहिलेको कम्युनिस्ट आन्दोलनमा लागेका विद्यार्थीहरूले मनमोहन अधिकारीको सादगीपूर्ण जीवनीको बारेमा जान्न आवश्यक रहेकोमा जोड दिए ।
उनले भने, ‘मनमोहन अधिकारीलाई हामीले कम्युनिस्ट आन्दोलनको निरन्तरताको पर्यायको रूपमा पनि बुझ्नुपर्दछ । उहाँ अनेक उतार चढावहरू भए तर कहिले पनि खण्डित हुनु भएन । कहिले पनि विश्रृंखलित हुनु भएन । उहाँ कम्युनिस्ट आन्दोलनभित्रको निरन्तरताको पर्यायको रुममा रहनुभएको छ । उहाँ शासन सत्तामा रहँदा मात्रै होइन, अत्यन्त प्रतिकुल अवस्थामा समेत पनि रहनुभयो । त्यस कारणले हामी मनमोहन अधिकारीलाई कम्युनिस्ट आन्दोलनको निरन्तरताको अर्को नामका रूपमा लिने गर्दछौँ । कम्युनिस्ट आन्दोलन भित्र देखा पर्ने कुनै पनि अतिवादमा उहाँ रहनुभएन । उहाँ यो स्वभावमा नरम देखिए पनि, विचारमा नरम देखिए पनि, देब्रे वा दाहिने विचार र प्रवृत्तिको विरोधमा रहनु भयो । उहाँ कहिले पनि त्यो व्यवहारप्रति सहमति हुनुभएन । अहिलेको कम्युनिस्ट आन्दोलनमा लागेका विद्यार्थीहरूले मनमोहन अधिकारीको सादगीपूर्ण जीवनीको बारेमा जान्नुपर्छ ।’
वरिष्ठ उपाध्यक्ष पोखरेलले स्व। मनमोहन अधिकारी भूराजनीतिक संवेदनशीलताप्रति गम्भीर रहेको बताए ।
