स्पेस समाचार 
काठमाडौं–प्रधानमन्त्री पुष्पकमल दाहाल प्रचण्डले सत्ता साझेदार दल राष्ट्रिय स्वतन्त्र पार्टी ९रास्वपा० सरकारबाट नबाहिरिने विश्वास व्यक्त गरेका छन् । पछिल्लो समय प्रधानमन्त्री प्रचण्डसँग आक्रोशित बनेको रास्वपाले सरकारबाट बाहिरिने धम्की दिएको थियो ।
खेलकुद मन्त्री विराजभक्त श्रेष्ठले रास्वपा पार्टी स्थापना दिवसको अवसरमा रास्वपाका मन्त्रीहरू गोजीमा राजीनामा पत्र बोकेर बसेको भन्दै धम्की दिएका थिए । उक्त धम्कीपछि प्रधानमन्त्री पुष्पकमल दाहाल प्रचण्डले गोजीमा राजीनामा पत्र बोक्नु रास्वपाको पहिचान भएको टिप्पणी गरेका हुन् ।
सोमबार चितवनमा पत्रकारहरूसँग कुरा गर्दै प्रधानमन्त्री प्रचण्डले भने,‘त्यो त रविजीले सुरुमै भन्नुहुन्थ्यो नि, हामी त्यस्ता हौँ भनेर। त्यो चाहिँ अब आफ्नो पहिचानको निम्ति पनि उहाँहरूलाई भन्नुपर्ने आवश्यकता होला,’ प्रधानमन्त्री प्रचण्डले भने, ‘तर मैले बुझेकोमा त्यस्तो केही पनि छैन।’
