स्पेस समाचार 
मकवानपुर–मकवानपुरको हेटौँडा उपमहानगरपालिका वडा नं.१८ मा बाढीले बगाउँदा १० वर्षीया बालिकाको मृत्यु भएको छ।
बिहीबार स्थानीय निवासी धन बहादुर बलकी छोरी १० वर्षीया रसमती बलको मृत्यु भएको हो । बालिका खेततर्फ जाँदै गर्दा बरौली खोला हेर्ने क्रममा अचानक चिप्लिएर खोलामा खसेकी थिइन्। त्यसपछि खोलामा आएको बाढीले उनलाई बगाएको बताइएको छ।
घटनाको जानकारी प्राप्त भएपछि तत्काल खोजी कार्य सुरु गरिएको र खोजी टोलीले घटनास्थलबाट करिब ५ सय मिटर तल पानीमा बालिकाको शव फेला पारेको जिल्ला प्रहरी कार्यालय मकवानपुरका प्रहरी कार्यालयका डिएसपी प्रवक्ता लक्ष्मी भण्डारीले जनाएको छ ।
मृतकको शव पोस्टमार्टमका लागि हेटौँडा अस्पताल पठाइएको र थप अनुसन्धान जारी रहेको प्रहरीले जनाएको छ।
