![](https://i0.wp.com/spacesamachar.com/wp-content/uploads/2024/07/bahadur-lama.jpg?fit=800%2C449&ssl=1)
काठमाडौँ–नेपाली कांग्रेसले वाग्मती प्रदेशको मुख्यमन्त्रीमा बहादुरसिंह लामालाई अघि सारेको छ । आइतबार बसेको संसदीय दलको बैठकले दलका नेता लामालाई आगामी मुख्यमन्त्री बनाउने प्रस्ताव गरेको हो ।
सङ्घमा कांग्रेस र एमालेको गठबन्धन भएसँगै वाग्मतीमा पनि सरकार परिवर्तन हुन लागेको हो । वाग्मतीमा पहिलो पटक कांग्रेस नेतृत्वमा सरकार गठन हुन लागेको हो । मुख्यमन्त्री शालिकराम जम्कट्टेलले आज दिउँसो १ बजे बस्ने प्रदेशसभा बैठकमा विश्वासको मत लिँदैछ्न ।
जम्कट्टेलसँग बहुमत नभएकाले उनी आजै पदमुक्त हुने भएका हुन् । वाग्मतीमा कांग्रेस र एमालेको सहज बहुमत पुग्ने अवस्था रहेको छ । ११० सदस्यीय प्रदेशसभामा कांग्रेससको ३७ र एमालेको २७ सांसद रहेका छन् । बहुमतका लागि ५६ मतको आवश्यकता रहेको छ ।