स्पेस समाचार 
काठमाडौं । २० औँ एसियाली कराँते च्याम्पियनसिपमा कराँते खेलाडी एरिका गुरुङले ऐतिहासिक रजत पदक जितेकी छिन् ।
चीनमा आइतबार सम्पन्न ६८ किलोग्राम माथिको तौल समूहको फाइनलमा एरिका भियतनामकी एनगोवान नुगेनसँग पराजित भइन् ।
एरिका भियतनामकी एनगोवान नुगेनसँग पराजित भए पनि उनले जितेको रजत पदक नेपालको लागि ऐतिहासिक पदक हो । तर उनले स्वर्णपदक जित्ने ठुलो मौका गुमाएकी छिन् ।
एसियन कराँते फेडरेसनले आयोजना गर्ने एसियन च्याम्पियनसिपमा नेपालले जितेको यो पहिलो पदक हो ।
