काठमाण्डौका पूर्व मेयर पीएल सिंहको निधन

काठमाण्डौ । काठमाण्डौ महानगरपालिकाका पहिलो मेयर एवम् नेपाली कांग्रेसका पुराना नेता प्रेमलाल अर्थात पीएल सिंहको निधन भएको छ । पूर्वमन्त्रीसमेत रहेका सिंहको ठमेलको चाक्सीबारी निवासमा आज बिहान निधन भएको हो । ८७ वर्षीय सिंह केही वर्षदेखि क्यान्सर रोगबाट पीडित थिए । गणेशमान सिंहको मुख्य सहयोगी भएर काम गर्नुभएका उहाँ गणेशमानका धर्मपुत्रका रुपमा पनि चर्चित थिए। उहाँ २०४९ सालमा तत्कालीन काठमाण्डौ नगरपालिकाको मेयर बनेका थियो ।