स्पेस समाचार 
काठमाडौं । शेयर बजार बुधवार पनि घटेको छ ।
मंगलवार १६ अंकले घटेको शेयर बजार परिसूचक नेप्से आज १३ दशमलव ९० अंकले घटेर दुई हजार ९१ दशमलव ५६ विन्दुमा झरेको हो ।
बुधवार सबै समूहको शेयर ओरालो लागेको छ । बजारसँगै कारोबार रकम पनि घटेको छ ।
दुई सय ५६ वटा कम्पनीका ४८ लाख १५ हजार कित्ता शेयर एक अर्ब ७३ करोड २५ लाख रुपैयाँमा कारोबार भएका छन् ।
सबैभन्दा धेरै अपी पावर कम्पनीको छ करोड २० लाख रुपैयाँको शेयर किनबेच भएको छ । गरिमा डिबेन्चर २०८५ को शेयर १० प्रतिशतले र विजय लघुवित्त र माहुली लघुवित्तको शेयर साढे चार प्रतिशतले घटेको छ ।
समग्रमा बजार घटे पनि आज सबैभन्दा धेरै युनिलिभर नेपालको शेयर साढे आठ प्रतिशत र बाराही हाइड्रोको शेयर साढे सात प्रतिशतले बढेको छ ।
